Qazaqstan Respýblıkasy Bilim jáne ǵylym mınıstrliginiń buıryǵy №544 

2014 jylǵy 26 jeltoqsan  Astana qalasy «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý qaǵıdalaryn bekitý týraly   «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 8-4) tarmaqshasyna sáıkes buıyramyn: 1. Osy buıryqqa qosymshaǵa sáıkes «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý qaǵıdalary bekitilsin. 2. Mektepke deıingi jáne orta bilim, aqparattyq tehnologııalar departamenti (J.A. Jontaeva): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý vıse-mınıstr E.N.Imanǵalıevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A.SÁRINJIPOV. Qazaqstan Respýblıkasy Bilim jáne ǵylym mınıstriniń 2014 jylǵy 26 jeltoqsandaǵy №544 buıryǵymen bekitilgen «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý qaǵıdalary I. Jalpy erejeler 1. Osy «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý qaǵıdalary (budan ári – Qaǵıdalar) «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babynyń 8-4) tarmaqshasyna sáıkes ázirlendi jáne «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) konkýrstyń uıymdastyrýshylary – bilim berý salasyndaǵy jergilikti atqarýshy organdar; 2) «Orta bilim beretin úzdik uıym» granty (budan ári – Grant) – oblystyń, respýblıkalyq mańyzy bar qalanyń jáne astananyń jergilikti atqarýshy organdary memlekettik orta bilim berý uıymdaryna reıtıngtik kórsetkishteri negizinde konkýrs qorytyndylary boıynsha jyl saıyn bóletin aqsha; 3) reıtıngtik kórsetkishter – memlekettik bilim berý mekemeleri sáıkes bolýǵa tıis, osy Qaǵıdalarda belgilenetin ólshemder. 3. «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty (budan ári – Konkýrs) bilim berý salasyndaǵy jergilikti atqarýshy organdar jyl saıyn ótkizedi. 4. Konkýrs tıimdi pedagogıkalyq jáne basqarý tájirıbesin anyqtaý, qorytý jáne taratý, orta bilim berý uıymdarynyń pedagogtary men basshylarynyń kásibı jáne jeke tulǵalyq ósýin yntalandyrý, Qazaqstan Respýblıkasynyń orta bilim berý júıesiniń damý úrdisin anyqtaý maqsatynda ótkiziledi. 5. Grant Konkýrstyń jeńimpazy - memlekettik orta bilim beretin úzdik uıymǵa beriledi. 2. «Orta bilim beretin úzdik uıym» grantyn berý tártibin jáne onyń mólsherin belgileı otyryp, ony berýge arnalǵan konkýrsty ótkizý tártibi 6. Konkýrsqa qatysýǵa memlekettik orta bilim berý uıymdarynyń (budan ári – bilim berý uıymdary) barlyq túrlerine ruqsat beriledi. 7. Konkýrs eki kezeńde ótkiziledi: 1) I kezeń – aýdandyq (qalalyq), jyl saıyn sáýir aıynda ótkiziledi, onda ekinshi kezeńge qatysýǵa usynylatyn Konkýrsqa qatysýshylar anyqtalady; 2) II kezeń – oblystyq, Astana jáne Almaty qalalary, jyl saıyn mamyr aıynda ótkiziledi, onda Konkýrstyń jeńimpazy anyqtalady. 8. Konkýrsty uıymdastyrý jáne ótkizý maqsatynda bilim salasyndaǵy jergilikti atqarýshy organdar árbir deńgeıde, oblys (respýblıkalyq mańyzy bar qalanyń jáne astananyń), aýdan (qala) ákiminiń sheshimimen oblys (respýblıkalyq mańyzy bar qalanyń jáne astananyń), aýdan (qala) ákiminiń bilim salasyna jetekshilik etetin orynbasarynyń tóraǵalyǵymen konkýrstyq komıssııa qurylady. 9. I jáne II kezeńderdiń konkýrstyq komıssııalarynyń quramyna oblystyq (respýblıkalyq mańyzy bar qalanyń jáne astananyń), aýdandyq (qalalyq) bilim salasy organdarynyń mamandary, tájirıbeli pedagogtar, ádiskerler, psıhologtar, qoǵamdyq uıymdar ókilderi, ǵylym qaıratkerleri, bilim salasyndaǵy baqylaý departamentiniń qyzmetkerleri kiredi. 10. Konkýrsty ótkizý týraly habarlandyrýdy bilim salasyndaǵy jergilikti atqarýshy organdar merzimdi baspasóz basylymdarynda konkýrstyń bastalýyna keminde 1 aı qalǵanda jarııalaıdy jáne: 1) Konkýrs ótkiziletin kúnin, ýaqytyn, ornyn jáne tártibin; 2) qujattar qabyldaý ornyn jáne merzimin qamtýy tıis. 11. Qazaqstandyq bilimniń básekege qabilettiligin qamtamasyz etý jáne joǵary reıtıngtik kórsetkishterge qol jetkizý úshin konkýrstyq komıssııa Konkýrsqa qatysýshylardy irikteýdi tómendegideı ólshemder boıynsha júzege asyrady: 1) oqytýdyń aqparattyq-kommýnıkasııalyq tehnologııalaryn engizý (qazirgi zamanǵy bilim berý tehnologııalaryn tıimdi qoldaný, 1 kompıýterge shaqqanda keletin oqýshy sany, Internetke qosylý, jańa modıfıkasııadaǵy pándik kabınettermen qamtamasyz etilý úlesi); 2) sapaly bilim berýdi qamtamasyz etý (jalpy orta bilim týraly «Altyn belgi» attestatyn alǵan túlekter úlesi, jalpy orta bilim týraly úzdik attestatyn alǵan oqýshylar úlesi, qosymsha bilim berýmen qamtylǵan oqýshylar úlesi); 3) bilim berý prosesin kadrlarmen qamtamasyz etý (5 jylda 1 ret pedagogtardyń biliktilik arttyrý kýrsynan ótýi, aqparattyq kommýnıkasııalyq tehnologııalardy qoldaný jáne deńgeılik baǵdarlamalar boıynsha biliktilik arttyrý kýrsynan ótken pedagogtardyń úlesi, jaratylystaný-matematıkalyq baǵyttaǵy pánderdi aǵylshyn tilinde oqytatyn pedagogtardyń úlesi, aǵymdaǵy jyly bilim berý uıymyna jumys isteýge kelgen jas mamandar úlesiniń serpini, joǵary jáne birinshi sanattaǵy pedagogtardyń úlesi, aýdandyq (qalalyq), oblystyq, respýblıkalyq, halyqaralyq konferensııalarǵa, semınarlarǵa, forýmdarǵa, kórmelerge, baıqaýlarǵa, pedagogıkalyq oqýlarǵa qatysýshy pedagogtardyń úlesi, eksperımenttik, zertteý, qoldanbaly jumystarǵa, ǵylymı jobalarǵa, baǵdarlamalarǵa, oqý jáne ádistemelik basylymdarǵa saraptama jasaýǵa qatysýy, avtorlyq oqý quraldarynyń, baǵdarlamalarynyń, ǵylymı ázirlemeleriniń, basylymdarynyń bar bolýy, ozyq pedagogıkalyq tájirıbe engizý, oqýshylardyń kásibı baǵdaryn dıagnostıkalaý qabiletin qamtamasyz etý); 4) materıaldyq-tehnıkalyq qamtamasyz etý, bilim berý uıymyn jaraqtandyrý jáne jabdyqtaý (qarjylandyrýdyń tıimdiligi jáne nátıjeliligi, qarajatty bólýdiń utymdylyǵy jáne tepe-teńdigi); 5) bilim alýshylardyń densaýlyǵyn saqtaý úshin jaǵdaı jasaý, oqý-tárbıe prosesine qatysýshylardyń qaýipsizdigin qamtamasyz etý jáne eńbegin qorǵaýǵa jaǵdaı jasaý (bilim berý uıymdarynda bilim alýshylardy sport seksııalarynyń qyzmetimen qamtý, turmys jaǵdaıy nashar otbasynan shyqqan balalardy ystyq dárýmendi tegin tamaqpen qamtamasyz etý, balalar aýrýlarynyń dınamıkasy, oqytý jaǵdaıynyń sanıtarııalyq erejeler men normalarǵa sáıkestigi, mektep ınspektory, psıhologtar men áleýmettik pedagog laýazymynyń shtatta, týrnıketter men beınebaqylaý kameralarynyń bolýy, mektepishilik jáne jasy kámeletke tolmaǵandar isi jónindegi ınspeksııanyń esebinde turatyn oqýshylar sanynyń úlesi); 6) pedagogtar men basshylardyń kásiptik jáne jeke ózin-ózi kóterýi úshin jaǵdaı jasaý (bilim berý uıymynda aqparattyq-ádistemelik keńistiktiń bar bolýy, pedagogtardy aqparattyq-kommýnıkasııalyq tehnologııamen qamtamasyz etý, muǵalimderdiń kásibı qyzmetindegi sapaly ózgeristerdi zertteý monıtorıngisiniń nátıjesi); 7) ınklıýzıvtik bilim alýǵa jaǵdaı jasaý (bilim berý uıymyna bekitilgen shaǵyn aýdanda turatyn jalpy bala sanynan ınklıýzıvtik bilim berýmen qamtylǵan, erekshe qajettilikti talap etetin bala úlesi); 8) sońǵy úsh jyl ishindegi oqýshylardyń oqý reıtıngtik joǵary kórsetkishteri, orta bilim beretin uıymnyń erekshe mıssııasy (jalpy bilim beretin oqý baǵdarlamalaryn tabysty meńgergen oqýshylar úlesiniń serpini); 9) bilim berý sapasyn basqarý (oqýshylar men ata-analar qajettiliginiń bilim berý monıtorıngisiniń nátıjesi negizinde basqarýshylyq sheshimder qabyldaý, bilim berý uıymynyń qamqorshylyq keńesi qyzmetiniń nátıjeliligi); 10) bilim sapasyn ishki jáne syrtqy baǵalaýdyń nátıjeleri (oqý jetistikterin syrtqy baǵalaý, ulttyq biryńǵaı testileý jáne halyqaralyq zertteýler rásimderiniń nátıjesi, oqýshylardyń fýnksıonaldyq saýattylyǵyn, matematıkalyq, jaratylystaný-ǵylymı jáne oqý saýattylyǵyn damytý jáne qalyptastyrý krıterııleri, oblystyq, respýblıkalyq jáne halyqaralyq olımpıadalar men oqýshylardyń ǵylymı jarystarynyń júldeger oqýshylarynyń úlesi); 11) halyqaralyq yntymaqtastyqty júzege asyrý (halyqaralyq uıymdarmen jasalǵan sharttar sany, halyqaralyq jobalarǵa qatysqan oqýshylar men pedagogtar úlesi). 12. Konkýrstyń I kezeńiniń qorytyndysy boıynsha konkýrstyq komıssııa oblystyq (Astana jáne Almaty qalalarynyń) deńgeıdegi konkýrstyq komıssııanyń qaraýyna materıaldardy, sondaı-aq mektep ataýlaryn kórsete otyryp, aýdandyq (qalalyq) konkýrstyq komıssııa otyrysynyń hattamasynan úzindi kóshirme joldaıdy. 13. Grant berý jónindegi konkýrstyq komıssııalardyń otyrystary eger oǵan quramynyń keminde úshten ekisi qatyssa, zańdy dep sanalady. 14. Daýys berý nátıjesi komıssııa músheleriniń kópshilik daýysymen anyqtalady. Komıssııa músheleriniń daýysy teń bolǵan jaǵdaıda tóraǵanyń daýysy sheshýshi daýys bolyp tabylady. 15. Bilim berý uıymdary Konkýrsqa qatysý úshin konkýrstyq komıssııaǵa mynadaı qujattardy: 1) Konkýrsqa qatysýǵa ótinimdi; 2) osy Qaǵıdalardyń 11-tarmaǵynda kórsetilgen ólshemderge sáıkes tıisti materıaldardy tapsyrady. О́tinimder nysanyn jergilikti atqarýshy organdar belgileıdi. 16. Konkýrstyq komıssııanyń qaraýyna qabyldaýdyń belgilengen merziminde tapsyrylǵan qujattar «Granttar konkýrsy» degen belgi qoıylǵan konvertte qabyldanady. 17. Qujattaryn qujattar qabyldaýdyń belgilengen merziminen kesh usynǵan bilim berý uıymdary Konkýrsqa qatysýǵa jiberilmeıdi. 18. Tıisti deńgeıdiń konkýrstyq komıssııasy usynylǵan qujattar negizinde konkýrsqa qatysýshylardy tirkeýdi júrgizedi. 19. Konkýrstyq komıssııa usynylǵan materıaldardy qaraý negizinde jeńimpazdy anyqtaıdy jáne grant berý týraly sheshim qabyldaıdy. 20. Ár deńgeıdegi konkýrstyq komıssııanyń sheshimi hattamamen resimdeledi, daýys berýge qatysqan komıssııa tóraǵasy, tóraǵanyń orynbasary, hatshy jáne músheleri qol qoıady. 21. Konkýrs jeńimpazdary «Orta bilim beretin úzdik uıym» konkýrsynyń laýreaty» atty arnaıy qurmet dıplomymen jáne grant alǵany týraly sertıfıkatpen marapattalady. Dıplom men sertıfıkattyń nysandaryn jergilikti atqarýshy organdar bekitedi. 22. Grantty tóleý konkýrstyq irikteý qorytyndysy boıynsha jergilikti atqarýshy organdardyń sheshimimen jergilikti bıýdjet qarajaty esebinen júzege asyrylady. 23. Grant mólsheri eń tómengi jalaqynyń segiz júz eselengen mólsherin quraıdy. 24. Konkýrstyq negizde «Orta bilim beretin úzdik uıym» grantyn alǵan memlekettik orta bilim berý mekemeleri Grantty bilim berý uıymdarynyń materıaldyq-tehnıkalyq jaraqtandyrylýyn jaqsartýǵa jáne bilim berý prosesin ǵylymı-ádistemelik qamtamasyz etýge jumsaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 3 aqpanda Normatıvtik quqyqtyq kesimderdi memlekettik tirkeýdiń tizilimine №10178 bolyp engizildi.